من خلال شغلنا في المهرجانات من عام 2003 و لغاية الآن .. شفت مشاريع كشخه صغيرة مربحة تتجاوز ارباحها .. 200 او 300 % من راس المالي و لا تحتاج الى عمالة كبيرة .... شرط اختيار الموقع المناسب و التوفيق من الله ...
المشروع الاول : الفواكة التايلاندية المقطعه
في الامارات توجد شركات ضعيفة في التسويق و بطيئة في الانتشار اللي تختص في ها المجال يعني الواحد النشيط يقدر يكتسح السوق .طوال العام
. الاحتياجات
كشك بشكل جميل و مرتب لا يتجاوز 2 م × 2
توفير مورد لشراء الفواكة يفضل اختيار اكثر من مورد
عدد ( 2 ) بائع يفضل من الجنسية الاندونيسية او الفلبينية
رخصة تجارية
موقع مناسب ..
سعر الحبة الواحدة بالجملة لا يتجاوز 3 دراهم .. و تقدر تبيعها بعد التقطع ب 10 دراهم يعني ربح ممتاز ..
----------------------------------------------
المشروع الثاني : الاكلات الشعبية الاماراتية
صح انه فيه مشاريع مشابهه بس للاسف غير مرتبة يعني غير نظيفه ومهملة ... يعني تشوف حريم كبار في السن و ريحة العطر في العيينة و البطء في العمل ... بالاضافه الى التسويق = صفر
تقدر ترتب حالكم يكون عندكم موظفين و ستاف مدرب من الجنسيات الاسيوية و الفليبينة بأشراف مواطنة خبيرة في الاكلات الشعبية .... و يكون لبس الموظفين موحد و صحون كشخه مرتبه و منيو زين
و شاركون في كل المهرجانات لين ما يكبر اسمكم ترى الربح كبير يونية 50 كيلو تسوي 500 خبرزة
-----------------------------
المشروع الثالث : الفالية باركننج
واايد عيبني هالمشروع لانه ما يكلف شي بس سواقين وموقع بس
الفكرة تكون استجار موقع للمواقف مزدحم و مناسب مثل القرية العالمية الفنادق مدينة مدهش المستشفيات لانه فيه من الناس ما تتفيج تروح توقف سياراتها في الباركات ... و هاي الخدمة حلوة ينزل الزبون عند الباب و عقب تاخذون سياره الى المواقف ومن يطلع الزبون تيبون له سيارته ....اقل شي ب 20 درهم ..